මස්කෙළිය - මව්සාකැලේ ජලාජයේ පාවෙමින් තිබු ප්ස්ටික් බෝතල්,පොලිතින් හා දිරා නොයන ඝන අපද්‍රව්‍ය ටොන් ගනනාවක් ශ්‍රමදානයකින් ඉවත් කිරිම අද දිනය තුලදි සිදු කෙරින. ජාතික ජල විදුලිය පද්ධතියට අයත් ලක්ෂපාන, නව ලක්ෂපාන, කැණියෝන් හා සමනල යන ජල විදුලිය බලාගාර සදහා ජලය සැපයෙන ප්‍රධාන ජලාශය වන මෙහි වපසරය අක්කර ඝන අඩි 93000කි.
මස්කෙළිය නගරය හා අවට වැසියන් හා මස්කෙළිය ඔය අවට ජනතාව අවිදිමත් ලෙස නොදිරන ඝන අපද්‍රව්‍ය හා පරිසරයට මුදාහැරිමේ ප්‍රතිඵලයක් ලෙස මව්සාකැලේ ජලාශය මෙලෙසින් අපවිත්‍රවී තිබේ. එම හේතුව නිසා ජලාශයේ ජලය දුෂණය විම, ජලජ ශාඛ හා ජලජ ජීවින්ගේ මෙන්ම මත්සයින්ගේද ජිවිත වලට තර්ජන එල්ල වෙමන් පැවතින. එමෙන්ම ධිවර කර්මාන්ත කරුවන්ටද පිඩා ගෙන දෙන්නක් වු අතර විශේෂයෙන්ම ඔවුන්ගේ ධිවර ආම්පන්න වලට හානි සිදුවු බව පවසති.
නිර්මාණය වි තිබුන පාරසරික ව්‍යසනයෙන් මව්සාකැලේ ජලාශය බෙරා ගැනිම සදහා මෙම ශ්‍රමදාන වැඩසටහන මස්කෙළිය පොලිසියේ ප්‍රජා පොලිස් එකකය, මස්කෙළිය ධිවර සමිතිය එක්ව සංවිධානය කල අතර ඒ සදහා මස්කෙළිය ශාන්ත ජෝශප් විද්‍යාලයේ ශිෂ්‍ය ශිෂ්‍යාවන් හා ජලාශය බාර ලංකා විදුලිය බල මණ්ඩලයේ ආරක්ෂක අංශයේ සාමාජිකයින්ද එක්ව සිටියහ.
සමෘද්ධි ගමන සන්නිවේදක
හැටන්
No comments:
Post a Comment