වසර ගණනාවකට කලින් නොයෙක් බෝග වගාවන් සිදුකර තිබූ නියාගම සමෘද්ධි බැංකු ගොඩනැගිල්ලට ඉහල බිම් ප්‍රදේශය මෑත කාලයේ සිට පැවතියේ වල් බිහි වෙමින්ය. එම තත්වය තුල ඩෙංගු උවදුර වැනි මාරාන්තික රෝග ව්‍යාප්තියක තෝතැන්නක් බවට මෙය පත් වී තිබුණි. මෙම තත්වය පිළිබද දැඩි අවධානය යොමු කළ නියාගම සමෘද්ධි බැංකු කළමණාකාර ප්‍රියංකා චාමිනී කොඩිකාර මහත්මිය එම බිම් ප්‍රදේශය ඉතා ඉක්මනින්ම සංවර්ධන කටයුත්තකට යෙදවීමට තීරණය කළාය.
ඒ අනුව ප්‍රාදේශීය ලේකම් තුමාගේද අනුමැතිය ඇතුව මෙම ඉඩම තුල තේ වගා කිරීමට යෝජනා විය. එම යෝජනාව නියාගම සමෘද්ධි බැංකු විධායක කමිටුවට ඉදිරිපත් කරන ලදි. ඒ සදහා විධායක කමිටුවේද අනුමැතිය හිමි විය. ඉන් අනතුරුව 38 නියාගම වසමේ සමෘද්ධි ප්‍රජා මූල සංවිධානයට මෙම කටයුත්ත සිදුකිරීම සදහා භාර දෙන ලදි. එම වසමේ සමෘද්ධි සංවර්ධන නිළධාරී මල්ලිකා ගොඩකන්ද මහත්මියගේ පූර්ණ මැදිහත්වීම මත වසමේ සමෘද්ධි ප්‍රතිලාභීන්ගේ සහයෝගය මත වල් වැදී තිබූ ඉඩම මේ වන විට අලංකාර තේ වගාවක් බවට පත්ව ඇත. ඒ තුලින් බැංකු පරිසරයද ආලෝකමත් වී ඇති අතර, ඵලදායී ආර්ථික කටයුත්තකට මෙය යොදා ගැනීම තුලින් එම ඉඩමේ වටිනාකමද දෙගුන වී ඇත.
සමෘද්ධි සන්නිවේදක
නියාගම
No comments:
Post a Comment