අාරච්චිකට්ටුවේ බුදු තෙමගුල සමරා කිරි ගවයින්ට නිදහස
ආරච්චිකට්ටුව ප්‍රාදේශීය ලේකම් ඩබ්. ආර්. ඒ. එන්. එස්. විජයසිංහ මහතාගේ සංකල්පයකට අනුව කොට්ඨාශයේ සමෘද්ධි ප්‍රජා මූල බැංකු පොදු සුභ සාධක අරමුදල් හා ප්‍රාදේශීය ලේකම් කාර්යාල නිලධාරින්ගේ මූල්‍ය දායකත්වයෙන් 2017 වෙසක් උත්සවයට සමගාමීව කිරි ගවයන් තිදෙනෙකු මරණින් මුදවා ප්‍රදේශයේ අඩු ආදායම්ලාභි පවුල් 03ක් සදහා ඔවුන්ගේ ජීවනෝපාය සංවර්ධනය උදෙසා පරිත්‍යාග කිරීමේ පුන්‍ය කර්මයක් 2017.05.12 දින ආරච්චිකට්ටුව මානවේරිය දිස්ත්‍රික් සමෘද්ධි අළෙවි මධ්‍යස්ථානය අසලදි සිදුකරනු ලැබු අතර මේ සත්කාර්ය සදහා පුත්තලම දිස්ත්‍රික් සාසනාරක්ෂක බල මණ්ඩලයේ ලේකකාධිකාරි හලාවත පුත්තලම දෙදිසාවේ උප අධිකරණ සංඝනායක හා මයියාව විහාර පරම්පරාවේ නායක ගරු නවදන්කුලමේ මේධානන්ද හිමිපාණන් සහ පුත්තලම දිස්ත්‍රික් සමෘද්ධි අධ්‍යක්ෂ එස්.ඒ. නාලක ප්‍රියශාන්ත මහතා ඇතුළු තවත් සම්භාවණීය පිරිසක්ද සහභාගී විය. එදින වෙසක් කූඩු නිර්මාණ තරගයක් සහ බැති ගී ප්‍රසංගයක්ද පැවති අතර මේ සදහා අති විශාල ජනතා සහභාගීත්වයක් හිමි විය.
මෙම කාර්ය සංවිධානයේදි ආරච්චිකට්ටුව ප්‍රාදේශීය සභාව ආරච්චිකට්ටුව විවිධ සේවා සමූපකාර සමිතිය ප්‍රදේශයේ සියළුම විහාරස්ථාන හා දහම් පාසැල් සියළුම සමෘද්ධි නිලධාරින් ග්‍රාම නිලධාරින් ආර්ථික සංවර්ධන නිලධාරින් මෙන්ම ප්‍රාදේශීය ලේකම් කාර්යාල නිලධාරින්ගේද අගනා සහය හිමි වූ බව ආරච්චිකට්ටුව සමෘද්ධි ප්‍රජා මූල බැංකු සමිතියේ කලමණාකාරිනි අනෝජා ආරියරත්න මෙනවිය ප්‍රකාශ කලාය. මෙහි සංවිධාන ශක්තිය සැපයූවේ සමෘද්ධි මූලස්ථාන කලමණාකාරිනී නිරුපා ප්‍රනාන්දු මෙනවියයි.
කුලරත්න ජයසේකර
ගමන සන්නිවේදක -
ආරච්චිකට්ටුව
No comments:
Post a Comment