නිරෝගිමත්
ශරීර සෞඛ්‍යයක් පවත්වාගෙන යෑම තුල තම රාජකාරියද සේවාදායකයා වෙනුවෙන්කාර්යක්ෂමව ඉටු කිරීමේ පරම අධිෂ්ඨාණය ඇතිව මැදිරිගිරිය ප්‍රාදේශිය ලේකම් සි.එම් කරුණාරත්න මෙනවිය තම සියළු රාජ්‍ය සේවා කාර්ය මණ්ඩලය සදහා සෞඛ්‍ය වෛද්‍ය සායනයක් පසුගිය 19 වෙනි දින කාර්යාලීය ශ්‍රවණාගාරයේදී පැවැත්විණි.
දියවැඩියාව, අධි රුධිරපීඩනය, හෘද රෝග, ස්වශන රෝග, ඇස් පරික්ෂාව, කොලොස්ටරෝල් පරික්ෂාව, ආදී විවිධවූ පරික්ෂාවන් මෙහිදී සිදුකල අතර මෙම අවස්ථාවට මැදිරිගිරිය රාජ්‍ය සේවයේ ප්‍රධානියා වශයෙන් හා මෙම වැඩසටහනේද නායිකාව වශයෙන් මැදිරිගිරිය ප්‍රාදේශිය ලේකම් තුමියද තම කාල වේලාව එළබෙන තුරු සියළු දෙනා සමග සතුට සොම්නස බෙදාගත්තේ උස් පහත් බේදයකින් තොරව අනෙතකුත් නිලධාරින්ටද ආදර්ශයක් ලබාදෙමිණි.
මෙම අවස්ථාවට සහභාගිවූවන් සමග සමෘද්ධි ගමන දොඩමළුවූයේ වැඩසටහන පිලිබදව අදහසක් දැනගැනීමේ අධිඨණනි.පැමිණි සියළුම දෙනාගේ අදහසවුයේ... මෙම වෛද්‍ය සායනය කාලයට උචිත බවත්, තමන් අසනීපයක් සෑදී රෝහල්ගත වීමෙන් පමණක් තම ශරීරයේ ඇති ලෙඩ රෝග හදුනා ගැනිමට හැකි බැවින් මෙවැනි වැඩසටහන්තුල විවිධවූ රෝගයන් කලින් හදුනාගැනීමෙන් ඒ සදහා අවශ්‍ය ප්‍රතිකාරයන් කිරිම තුලන් වලක්වා ගැනීමට හැකියාව ඇති බවයි.තවද සෑම වර්ෂයක් පාසාම ක්‍රියාත්මක කිරීම ඉතාම අගනා බවත්ය.
සමෘද්ධි අංශයේ මූලස්ථාන කලමණාකරු දුරුතු කුමාරි මහත්මිය හා සමාජ සේවා නිලධාරිනී එස්.ඩි.ශිරාණි රේණුකා මහත්මිය මෙම සෞඛ්‍ය වෛද්‍ය සායනය සංවිධානය කරතිබූ අතර, මැදිරිගිරිය ප්‍රාදේශිය සෞඛ්‍ය වෛද්‍ය නිලධාරී ඩබ්.ඒ.අතුල උදය කුමාර මහතා සහ වෛද්‍ය නිලධාරී ජි.පි.ටි.ගලප්පත්ති මහතා ඇතුළු එම සෞඛ්‍යෙ සේවා නිලධාරී කාර්ය මණ්ඩලයේ පූර්ණ මැදිහත්වීමෙන් ඉතා සාර්ථකව පැවැත්විණ.
ඩි.එම්.පි.කේ. දිසානායක
සමෘද්ධි ගමන දිස්ත්‍රික් සංනිවේදක
පොළොන්නරුව
No comments:
Post a Comment