වැලිවිටිය දිවිතුර දී සමෘද්ධි බක්මහ උලෙළ දෙකක්
සමෘද්ධි සංවර්ධන දෙපාර්තමේන්තුව දිවයින පුරා විසිර පවත්නා සමෘද්ධි බැංකු 1074 ක බක්මහ උලෙළ පැවැත්වීමට දියත්කල වැඩසටහන යටතේ වැලිවිටිය දිවිතුර ප්‍රාදේශීය ලේකම් කොට්ඨාශයේ බැංකු දෙකක බක්මහ උලෙළ පවත්වන ලදි.
වැලිවිටිය දිවිතුර ප්‍රදේශීය මහ ලේකම් අයේශා ගුණතිලක කාරියවසම් මහත්මියගේ ප්‍රධානවත්වයෙන් මෙම බක්මහ උලෙළ දෙක ඉතා සාර්ථකව ජන ක්‍රීඩා රැසකට මුල්තැන දෙමින් ක්‍රියාත්මක කරන ලදි.
ඇත්කඳුර සමෘද්ධි ප්‍රජාමූල බැංකු කළමනාකරු ඩබ්.ජී.ටී උදයාංගනි මහත්මියගේ සංවිධානය යටතේ නාඹරඅත්ත ග්‍රාම නිලධාරී වසමේ සමෘද්ධි සංවර්ධන නිලධාරී පී.ඩබ්.ගාමිණී මහතා විසින් එක් බක්මහ උලෙළත් නාඹරත්ත පාසැල්භුමියේදී මෙහෙය වූ අතර වැලිවිටිය සමෘද්ධි බැංකුවේ බක්මහ උලෙළ කළමනාකරු සමන්තා ගුණසේකර මහත්මියගේ සංවිධානය යටතේ කුට්ටියාවත්ත වසමේදී සමෘද්ධි සංවර්ධන නිලධාරි ඊ. ඒ.පී ජානකී ලසන්ති මහත්මිය මෙහෙයවන ලදි.
මේ අවස්ථාවට වැලිවිටිය දිවිතුර ප්‍රාදේශීය ලේකම් තුමිය මෙන්ම මූලස්ථාන කළමනාකරු අජිත් නිශාන්ත වැලිවිටිගොඩ මහතා සහ සමෘද්ධි සංවර්ධන නිලධාරීන් සියලුදෙනා ද ප්‍රාදේශීය ලේකම් කාර්යාලය නියෝජනය කරමින් විශාල ආරධිතයන් පිරිසකගේ ද සහභාගිත්වයෙන් සාර්ථක ලෙස බක්මහ උලෙළ දෙක පවත්වන ලදි.
සමෘද්ධි සන්නිවේදක-
වැලිවිටිය දිවිතුර.
No comments:
Post a Comment