පොල්කටු හැන්දෙන් දරුවා විශ්ව විද්‍යාලයට යැවු දෙපා වාරු නැති සමන් කුමාර
ජීවිතයේ මැදි වියට එළබෙත්දීම දෙපා වාරුව අහිමි වීම ඇදහිය නොහැකි අසරණ කමක් ජීවිතයට එක් කරන්නක් බව නොඅනුමානය. එහෙත් නොසිතු මොහොතක සිදුවු හදිසි අනතුරක් නිසාවෙන් දෙපා වාරුව අහිමි වී ගියද නොසැලි ජීවිතයට මුහුණ දෙන දිරිය මිනිසෙකු ගැන අපට අසන්නට ලැබුනේ ගාල්ල හපුගල වටරැක ප්‍රදේශයෙනි.
තම ව්‍යාපාරය පිලීබද අදහස් දැක්වු ආනන්ද සරත් කුමාර (50) මහතා
මම ගහකින් වැටිලා සුශුම්නාවට හානි සිදු උනා, ඒ සිද්ධිය නිසා මගේ දෙපා වලලුකරින් පහළ ප්‍රදේශය අකර්මන්‍ය උනා. එදා නම් පුදුම තරම් අපි අසරණ උනා දරු දෙන්න එක්ක ඉන්න හිටින්නවත් තැනැක් නැතුව හිටිය අසරණ අපිට පිහිට උනේ සමෘද්ධිය. සමෘද්ධියේ නෝනල මහත්තයල ඇවිත් අපි ගැන හොයල බැලුවා මං ඒ වෙද්දි පොල් කටු හැදි හදන්න පටන් අරන් හිටියේ .සමෘද්ධි බැංකුව හරහා රුපියල් ලක්ෂයක ස්වයං රැකියා ණය මුදලක් ලැබුණා ඒ මුදලින් පොල්කටු කපන්න මැෂිමක් හදා ගත්තා. රුපියල් පහලොස් දහසක පාරිභෝගික ණය මුදලකුත් ගත්තා දැන් ඒ ණය හුඟක් ගෙවල ඉවරයි. තව වාරික කිහපයයි ගෙවන්න තියෙන්නෙ සමෘද්ධීයෙන් තමයි මගේ ගේ හදාගන්න වැසිකිලිය හදා ගන්න උදවු කලේ. සමෘද්ධි වැඩසටහන අපි වගේ මිනිස්සුට ජීවත් වෙන්න දෙන්නෙ පුදුම සහයෝගයක්.ඇත්තටම සමෘද්ධි වැඩසටහන නොවෙන්න අපිට මොනව වෙලාද කියල හිතාගන්නවත් බෑ. මම මගේ දරුවා විශ්ව විද්‍යාගලට යැවුවෙ මේ රස්සාව කරලා ඒකට අත දුන්නේ සමෘද්ධි වැඩසටහන තමයි.
දිරියෙන් ජීවිතය දිනන්ට වෙහෙසෙන සමන් කුමාරට අද අවශ්‍යව ඇත්තේ ලි කැබලි සිහින්ව කපා ගැනීම සදහා අවශ්‍ය යන්ත්‍රයකි. ඒ සදහා අනුග්‍රහයක් ලබන්නේ නමි තම ව්‍යාපාරය තව තවත් දියුණු කොට තවත් කිහිප දෙනකුට රැකියා සපයන්නටත් සුදානම් බව ඔහු පවසයි .සමෘද්ධි ව්‍යාපාරයේ සෙවන යට අද වන විට සමන් කුමාර හා ඔහුගේ පවුල ජීවන ගමන ජයගන්නට මාර්ගය සොය ගනිමින් දිරියෙන් ඉදිරියට යමින් සිටී.
ඩී.ඒ.පී සුරංජිත්
දිස්ත්‍රික් සමෘද්ධි සන්නිවේදක
ගාල්ල
No comments:
Post a Comment