ජාතික ඵලදායිතා ලේකම් කාර්යාලය සංවිධානය කල, ඵලදායිතා නිළධාරීන් අතර සුහදතාවය වර්ධනය කිරීමේ අරමුණින් පැවැත් වූ අන්තර් පළාත් ක්‍රිකට් තරඟාවලිය පසුගිය දා (2017.06.16 ඉරිදා) පිළියන්දල සෝමවීර චනුද්‍රසිරි ක්‍රීඩාංගනයේ දී පැවැත්විණි.
ප්‍රබල පිතිකරුවන් පිරිසකින් සමන්විත නැගෙනහිර පළෘත් කණ්ඩායම් ශුරතාවය දිනාගත් අතර ඔවුන් පළමු වටයේ තරඟයක දී වයඹ පළාත් කණ්ඩායමකට එරෙහිව පන්දුවාර අටකදී ළකුණු 128 ක් රැස් කිරීමට සමත් විය.
දකුණු පළාත් කණ්ඩායම පන්දු යැවීමෙන් ඉදිරියෙන් සිටි අතර දකුණු පළාත් කණ්ඩායම් නායක ගෝනපීනුවල ප්‍රාදේශීය ලේකම් කාර්යාලයේ ඵලදායිතා නිළධාරී ජයන්ත විතානගේ පළමු වටයේ තරඟයකදී එක් ළකුණක් පමණක් ලබා දෙමින් යැවූ පන්දු ඕවරය තරඟාවලියේ හොඳම පන්දු ඕවරය ලෙස සටහන් විණි. අවසාන මහා තරඟයේ විශිෂ්ට පන්දු යැවීමක නිරත වූ දකුණු පළාත් කණ්ඩායමේ මිලින්ද කුමාර තරඟාවලියේ හොඳම පන්දු යවන්නා ලෙස සම්මාන දිනා ගත්තේය.
ත්‍යාග ප්‍රදානය සඳහා ජාතික ඵලදායිතා ලේකම් කාර්යාලයේ අතිරේක අධ්‍යක්ෂකවරුන් වන අකිල සුභසිංහ මහතා, ඉෂානි කොල්ලුරේ මෙනවිය, මධුරංගි ජයසිංහ මහත්මිය සහභාගි විය.
සමෘද්ධි සංනිවේදක -
ගෝනපිනුවල
No comments:
Post a Comment