හබරාදූව ප්‍රාදේශීය ලේකම් කාර්යාලයට අයත් කතලුව නැගෙනහිර ග්‍රාම නිලධාරී වසමේ පදිංචි සමෘද්ධිලාභීන් දෙදෙනකු තම සහනාධාර පත් නැවත රජයට භාරදීම සිදුකරන ලදි. මෙසේ සහනාධාර භාරදුන් ප්‍රතිලාභීන් දෙදෙනා වූයේ කතලුව නැගෙනහිර වසමේ පදිංචි එල්.එච්.ඩබ්. අනුලාවතී මිය හා එම්.බී. කුසුමලතා දෙදෙනාය. මොවුන් ගේ පවුල් වල ආදායම් තත්ත්වය ඉහළ යාම නිසා සමෘද්ධි සංවර්ධන නිලධාරී එල්.ජී. සිරිල් මහතාගේ මගපෙන්වීම මත මෙම සහනාධාර නැවත භාරදීම සිදුකෙරෙනු අතර, හබරාදූව සම්බන්ධීකරණ කමිටු රැස්වීමට සහභාගී වූ වෘත්තීය පුහුණු හා නිපුණතා සංවර්ධන අමාත්‍ය චන්දිම වීරක්කොඩි මහතා හා හබරාදූව එක්සත් ජාතික පක්ෂ ප්‍රධාන සංවිධායක චන්ද්‍රලාල් අබේගුණවර්ධන මහතාට තම සහනාධාර පත් භාරදුන් අවස්ථාවයි. හබරාදූව ප්‍රාදේශීය ලේකම් තරංගා වික්‍රමරත්න මහත්මිය, මූලස්ථාන කලමණාකාරු මොහාන් චිත්‍රලාල් මහතා හා එම වසම භාර සමෘද්ධි සංවර්ධන නිලධාරී එල්.ජී. සිරිල් මහතා මෙම අවස්ථාවට සහභාගී විය .
සමෘද්ධි සන්නිවේදක
හබරාදුව
No comments:
Post a Comment