වැඩිම දුම්වැටි විරෝධි කොඩි අලෙවි කල නිලධාරීන්ට සහතික පත් ප්‍රධානය කෙරේ
අප කවුරුත් නොදැනම මාරයා වෙත ගෙනයන දුම්වැටිය වෙනුවෙන් වියදම් කරන මුදල එකතු කර පුංචි පැටවුන්ට පොත් ටිකක්, සපත්තු කූට්ටමක් අරන් දෙන්න හින මවන සමෘද්ධි සංවර්ධන නිලධාරීන් ඇගයීම පසුගියදා (19) ඛෙන්තර ප්‍රාදේශිය ලේකම් කාර්යාලීය ශ්‍රවනාගාරයේදී සිදුවිණි. 2016 වර්ෂයේ දුම්වැටි විරෝධි කොඩි දිනය වෙනුවෙන් වැඩිම මුදල් ප්‍රමාණයක් එකතු කල සංවර්ධන නිලධාරින් සදහා සහතික පත් ප්‍රධානය කිරීම ඛෙන්තර ප්‍රාදේශිය ලේකම් වසන්ත විතානගේ මහත්මාගේ ප්‍රධානත්වයෙන් පැවැත්විණි.
සහකාර කළමණාකරු ලෙස හා පහුරුමුල්ල වසමේ වැඩ බලන ප්‍රභාත් නිශාන්ත මහවත්ත මහත්මා ප්‍රාදේශිය ලේකම් කොට්ඨාශයේ වැඩිම කොඩි ආදායම එකතු කල සංවර්ධන නිලධාරියා වශයෙන් සහතික පත් ලබා ගත් අතර මෙම අවස්ථාව සදහා මුලස්ථාන කළමණාකරු කුමුදු ප්‍රියන්ති මහත්මිය, මහ සංගම් අධ්‍යක්ෂ ජගත් අස්සල ආරච්චි මහත්මා සහ සංවර්ධන නිලධාරීන් විශාල පිරිසක් සහභාගී වීය.
සමෘද්ධි සන්නිවේදක -
ඛෙන්තර
No comments:
Post a Comment