සමෘද්ධි සංවර්ධන දෙපාර්තමේන්තුවේ නව අධ්‍යක්ෂ ජනරාල්වරයා ලෙස ජ්‍යෙෂ්ඨ පරිපාලන නිලධාරියෙකු වු ජේ. දඩල්ලගේ මහතා පසුගිය (17) දා පත් විය. ශ්‍රි ලංකා පරිපාලන සේවයේ කිර්තීමත් නිලධාරියෙකු වු දඩල්ලගේ මහතා අමාත්‍යාංශ රාජ්‍ය ආයතන, අර්ධ රාජ්‍ය ආයතන ගණනාවක විවිධ තනතුරු දරමින් කටයුතු කොට අත්දැකිම් බහුල නිලධාරියෙකු වන අතර රාජ්‍ය පරිපාලන හා සුවදේශ කටයුතු අමාත්‍යාංශයේ ලේකම්වරයා ලෙස කටයුතු කොට 2016 වසරේ විශ්‍රාම ලැබිය.
දඩල්ලගේ මහතා අග්‍රාමාත්‍ය රනිල් වික්‍රමසිංහ මහතාගේ මහජන සම්බන්ධතා උපදේශකවරයා ලෙසද කටයුතු කරයි.
කොළඹ විශ්ව විද්‍යාලයේ උපාධිධරයෙකු වු දඩල්ලගේ මහතා මානව සම්පත් සංවර්ධනය පිළිබඳව පශ්චාත් උපාධිය ඇමරිකාවේ මෑන්චෙස්ටර් සරසවියෙන් ලබා තිබේ. මානව සම්පත් කමනාකරණය පිළිබඳව ශ්‍රි ලංකාවේ ප්‍රාමාණික විද්වතෙකු වු දඩල්ලගේ මහතා කැනඩාව, සිංගප්පුරුව, තායිලාන්තය, ඉන්දියාව, උතුරු කොරියාව, මාලදිවයින ඇතුළු රටවල් ගණනාවක මානව සම්පත් කළමනාකරණය පිළිබඳ අධ්‍යනයන් හි සහ පර්යේෂණ වල නිරත වී තිබේ.
ස්ලීඩා ආයතනයේ අධ්‍යක්ෂ ජනරාල්වරයා ලෙස එතුමා කටයුතු කල සමයේ ශ්‍රි ලංකාවේ රාජ්‍ය නිලධාරින් වෙනුවෙන් නව අධ්‍යන හා පර්යේෂණ ක්ෂේත්‍ර ගණනාවක් හඳුන්වා දීමට ද කටයුතු කළේය.
No comments:
Post a Comment